Ховд суманд өнгөрсөн сарын 17-нд баруун сумдын технологийн хичээлийн багш сурагчдын дунд Урлахуй бүтээхүй наадам зохиогдлоо. Тус наадамд Наранбулаг, Өмнөговь, Өлгий, Завхан, Ховд сумдаас нийт 20 багш, 60 сурагч оролцож ур дүй, авъяас чадвар, бүтээлч сэтгэхүйгээрээ өрсөлдөж Ховд 15, Өмнөговь 10, Өлгий 6, Наранбулаг 3, Завхан 2 медаль тус тус авч нийлбэр дүнгээр Ховд сум тэргүүн байранд шалгарч цомоор шагнагдсан байна. Сумын нийгэм эдийн засгийг хөгжүүлэх үйл ажиллагааны оны зорилтод тусгагдсан энэхүү ажлыг Засаг даргын нэрэмжит болгон зохион байгуулсан ба багш сурагчдын хамтын ажиллагааг дэмжсэн, тэдний авъяас чадвар, бүтээлч сэтгэлгээг хөгжүүлэхэд чиглэсэн чухал арга хэмжээ боллоо.