Сумын хөдөөний 3 багийн хурал болж, 2017 онд хэрэгжүүлсэн засаг даргынхаа ажлыг дүгнэж, ирэх оны ажлын төлөвлөгөөгөө баталлаа. Шивэр багийн засаг даргын ажлыг 90 хувьтай, Халиунбулаг багийн засаг даргын ажлыг 92 хувьтай, Ачит багийн засаг даргын ажлыг 80 хувиар иргэдийн нийтийн хурлаас тус тус үнэлж, цаашид хэрэгжүүлэх олон ажил, авах арга хэмжээнүүд байгаа талаар хуралдаанд оролцогчид хэлж байв. Мөн зарим баг шинэ жилийн арга хэмжээ зохион байгуулж багтаа шинэ жилийн уур амьсгал бий болгож, оны тэргүүн сайчуулаа шагналаа.